Gazeta Si – SPAK ka arrestuar dy persona, të cilët akuzohen për veprën penale “Trafiki të narkotikëve”, “Pastrim të produkteve të veprës penale ose veprimtarisë kriminale” dhe “Grupi i strukturuar kriminal”.
SPAK kërkon burg për shtetasit me iniciale K.D., dhe A.M., të arrestuar pas hetimeve në kuadër të “Operacionit Goldfinger”, pasi dyshohej se kanë trafikuar, ruajtur, përpunuar dhe shpërndarë sasi të konsiderueshme lëndësh narkotike kokainë dhe mariuhanë, duke vepruar kryesisht në Danimarkë , Suedi, Norvegji, Belgjikë, Holandë dhe Gjermani.
Në një njoftim zyrtar, SPAK tha se K.D., dhe A.M janë arrestuar dy ditë më parë, pasi dyshohet se kanë qenë pjesë e një grupi që është shkatërruar rreth 4 vite më parë, të cilët trafikonin drogë në 5 vende të BE-së.
Pas urdhrit, Shërbimet e Policisë Gjyqësore të Drejtorisë së Përgjithshme të Policisë Shtetit i arrestuan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
