.png)
Një sasi e konsiderueshme kanabisi është asgjësuar në Tropojë këtë të shtunë. Policia ka arritur të asgjësojë 3659 bimë kanabis të kultivuara në fshatrat Gonpepaj dhe Curraji Epërm.
Në sajë të këtij operacioni, janë vënë nën hetim 2 inspektorët e mjedisit në këto zona të dyshuar për veprat penale "Shpërdorimi i detyrës" dhe "Moskallëzimi i krimit".
"Në vijim të kontrolleve antikanabis, me shërbime nga toka dhe me dronë, shërbimet e Drejtorisë Vendore të Policisë Kukës, kanë finalizuar fazën e dytë të operacionit policor të koduar 'Bjeshkët e Nemuna', në kuadër të të së cilës: -në fshatin Gjonpepaj, janë gjetur të kultivuara 3543 bimë të tjera narkotike cannabis sativa; në fshatin Curraj i Epërm, janë gjetur të kultivuara 116 bimë narkotike cannabis sativa", thuhet në njoftimin e policisë.Bimët narkotike, pas kryerjes së veprimeve procedurale, u asgjësuan nëpërmjet djegies.
Ndërkohë vijojnë veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
