.png)
Gazeta Si – Një banesë në katin e katërt të një pallati në pronësi të familjes Haxhia, është përfshirë nga flakët mëngjesin e kësaj të premteje në lagjen “Parrucë” në Shkodër.
Nga të dhënat paraprake mësohet se si pasojë e flakëve ka vetëm dëme materiale, ndërsa ende nuk dihet shkaku i rënies së zjarrit.
Në momentin e zjarrit, asnjë nga anëtarët e familjes nuk ka qenë në banesë. Zjarrfikësja ka mbërritur në vendin e ngjarjes së bashku më grupin hetimor.
Pas ngjarjes, Kryetari i Bashkisë së Shkodrës, Benet Beci mbërriti në vendin e ngjarjes për të inspektuar dëmet e shkaktuara.
Mësohet se kryebashkiaku komunikoi me anëtarët e familjes Haxhia për t’i qetësuar lidhur me ngjarjen e ndodhur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
