.png)
Gazeta Si – Dy punëtorë janë dërguar në spital këtë të martë në Krujë, pasi janë lënduar nga shkëputja e platformës së një ashensori të cilin po e montonin.
Policia tha se pas ngjarjes është arrestuar drejtuesi teknik i firmës ndërtuese. Në pranga ra shtetasi M.B., 48 vjeç, banues në Tale, Lezhë, drejtues teknik i një firme ndërtimi.
Ngjarja ndodhi një ditë më parë në lagjen “Zim Zeneli”, Krujë, në një pallat që ndërtohet nga një firmë me drejtues teknik shtetasin M.B.
Gjatë procesit të punës për montimin e ashensorit, është shkëputur platforma e ashensorit dhe si pasojë janë dëmtuar shtetasit A.B., 52 vjeç dhe shtetasi turk Z.S., 50 vjeç.
Dy të dëmtuarit ndodhen në spital, nën kujdesin e mjekëve. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
