.png)
Dua Lipa është një nga fytyrat më të njohura në mbarë botën dhe ylli i pop-it njihet për stilin e saj dhe muzikën tërheqëse.
Këngëtarja shqiptare ka thyer rekorde që në krye të herës dhe tani albumi i saj debutues i titulluar “Dua Lipa” është bërë albumi i parë i një artisteje femër që është dëgjuar mbi 11 miliardë herë në Spotify.
Ky sukses përkthehet në një arritje shumë të madhe edhe për faktin se “Dua Lipa” ka qenë albumi i saj i parë dhe në gjithë karrierën e saj, këngëtarja ka nxjerrë vetëm dy albume në tërësi (Future Nostalgia i dyti).
‘Dua Lipa’ becomes the first female album to surpass 11 BILLION streams in Spotify history. pic.twitter.com/enJb8xl6uf
— Pop Base (@PopBase) June 12, 2023
Si një ndër fytyrat më të njohura të botës së muzikës pop sot, Lipa përflitet për stilin e risjellë në skenë, “disko pop”, me variete performancash të frymëzuara nga hite të viteve ‘80 dhe melodi lehtësisht të evidentueshme elektronike dhe funk.
Fituesja e çmimeve Grammy ka qenë pikë referimi sa i takon rrymës pop në vitet e fundit dhe është parë si një pasuese e denjë e ikonave si Madonna, apo Britney Spears, me sukseset e korrura gjatë kohës së shkurtër që ka në treg.
Në albumin “Dua Lipa”, hitet kryesore të radhitura lart në renditjet e Billboard apo ato globale, përfshijnë “New Rules”, “Blow Your Mind”, “IDGAF”, apo edhe këngën që e hodhi në tregun muzikor, “Be the One”.
Nga ana tjetër, me “Future Nostalgia”, ajo e çoi suksesin një hap më tej, duke u globalizuar si një “pop icon” dhe duke marrë vëmendje mediatike më të madhe.
Së fundmi, Lipa e ka treguar se nuk do t’i ndahet ritmeve disko pop, pasi në kolonën zanore të prodhuar për filmin e shumëpritur “Barbie”, melodia e “Dance the Night” është tejet e identifikueshme po me ato ritme, duke vërtetuar edhe synimin e saj për të qenë e qëndrueshme dhe e palëkundur në stilin e krijuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
