.png)
Elon Musk ka gjetur një shefe ekzekutive për të drejtuar Twitterin. Lajmin e dha vetë Musk në Twitter, platformën sociale të cilën e bleu vitin e kaluar për 44 miliardë Dollarë.
Musk nuk zbuloi identitetin e shefes së re, por tha se “ajo”, duke lënë të kuptohej se do të ishte një femër, “do të fillonte punë pas 6 javësh dhe do të bëhet shefe ekzekutive e kompanisë”.
Kohët e fundit, ai ka qenë nën presion të vazhdueshëm për të emëruar dikë tjetër në krye të “Twitter” në mënyrë që të fokusohej në bizneset e tij të tjera.
Musk është akuzuar më parë nga aksionerët për braktisjen e Tesla-s pas marrjes së Twitter dhe për dëmtimin e markës së makinave.
“Përpjekja për të balancuar Twitter, Tesla dhe SpaceX si CEO është një detyrë e pamundur që duhej të ndryshonte”, tha Dan Ives nga firma e investimeve Wedbush Securities.
Sipas dy raporteve të mediave amerikane, Wall Street Journal dhe Variety, shefja e reklamave të NBCUniversal, Linda Yaccarino është në bisedime për t’u bërë shefe ekzekutive e Twitter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
