.png)
Gazeta Si – Piloti i Mercedesit ka folur për shtypin anglez, ku ka theksuar: “Duhet ngushtuar sa më shpejt diferenca, sepse në kundërt Formula 1 do të humbasë edhe tifozët e sponsorët”.
Nuk është një nga ata që i thonë gjërat sa për të kaluar radhën Ljuis Hemilton. Dhe ajo që 7 herë kampion i botës ka deklaruar për ‘Mirror’ tingëllon si një alarm për Formulën 1. Nuk i përket vetëm të tashmes, por edhe të ardhmes së këtij sporti.
Sipas Hemilton, ky sport mund të humbasë popullaritetin, sepse dominimi i Red Bull-it mund të zgjatë shumë, nëse të paktën rivalët kryesorë të tij, Ferrari dhe Mercedesi, nuk arrijnë të bëjnë diçka për të ngushtuar diferencën.
Tema është ajo që vitet e fundit ka diskutuar edhe vetë FIA, duke modifikuar rregulloren në shumë raste pikërisht me qëllimin për t’i dhënë këtij sporti spektaklin e humbur vitet e kaluara. Hemilton e sheh si rrezik dominimin absolut të skuderisë austriake, me 122 pikë distancë nga ndjekësi më i afërt.
“Nuk më takon mua të bind spektatorët të shohin një sport më shumë se një tjetër, – ka theksuar Hemilton. – Por, të flisja si fans para se si pilot, duhet të kuptoja pse tani sporti ynë nuk është aq tërheqës, si ndoshta NBA ose NFL. Gjatë viteve është punuar për të ngushtuar deferencat, por duket se nuk mjafton kurrë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
