.png)
Snapchat është përballur me një valë kritikash nga përdoruesit e pakënaqur, të cilët iu drejtuan me breshëri vlerësimeve me një yll në App Store.
Aplikacioni ka prezantuar chatbotin e tij të AI(inteligjencës artificiale) të cilët shumë njerëz duket se nuk e kanë pritur shumë mirë.
Ai mundësohet nga GPT i OpenAI – e njëjta teknologji që po integrohet në motorin e kërkimit Bing të Microsoft.
Funksioni, i quajtur My AI, është ngjitur në krye të bisedave të përdoruesve dhe vetëm abonentët me pagesë mund ta heqin atë.
Snap e quajti My AI “një chatbot eksperimental, miqësor”, i cili mund të kryejë detyra të tilla si përgjigjja e pyetjeve, ofrimi i këshillave ose planifikimi i udhëtimeve.
Por ai pranoi se mjeti mund të mos jetë gjithmonë i saktë dhe përgjigjet e tij “mund të përfshijnë përmbajtje të njëanshme, të pasakta, të dëmshme ose mashtruese”.
Inteligjenca AI tani është shpërndarë te miliona përdorues në mbarë botën, pasi u prezantua fillimisht te abonentët me pagesë.
Njerëzit të frikësuar për gjetjen e vendndodhjes
Snap është kritikuar gjithashtu sepse është i paqartë nëse chatbot-i mund të ketë akses në informacione private – siç janë të dhënat e vendndodhjes.
This post on fb is so creepy!! Absolutely just no, we don’t want it ‼️ pic.twitter.com/TsPYeOtAmO
— Madison Carroll (@MadisonCarroll0) April 21, 2023
Vizioni i Snap është të integrojë AI pa probleme në bisedat e përditshme, megjithatë, kjo ka ngritur shqetësime në lidhje me sigurinë dhe privatësinë e përdoruesit.
Alarm për bisedat e zhvilluara
Chatbot-i është përfshirë në diskutime rreth drogës, seksit dhe alkoolit, edhe kur përdoruesit shprehin qartë statusin e tyre të mitur. Kjo sjellje ka ndezur alarmin, veçanërisht duke pasur parasysh se Snapchat ka një bazë të konsiderueshme përdoruesish të të rinjve.
Thirrjet për heqjen e menjëhershme të këtyre veçorive për shkak të rreziqeve të perceptuara kanë qenë të shfrenuara.
Duke iu përgjigjur këtyre shqetësimeve, Snap publikoi një postim në blog duke sqaruar përdorimin e të dhënave të vendndodhjes në My AI.
Kompania pohon se chatbot “nuk mbledh asnjë informacion të ri vendndodhjeje” nga përdoruesit dhe mund të qaset në të dhënat e vendndodhjes vetëm nëse përdoruesi pranon t’i ndajë ato.
Për më tepër, Snap deklaron se ka përditësuar My AI për të informuar më mirë përdoruesit kur dihet vendndodhja e tyre dhe kur jo.
Investitorët mund të vlerësojnë inovacionin, por kënaqësia përfundimtare e përdoruesve duhet të jetë gjithmonë një përparësi kryesore.
Injorimi i preferencave të përdoruesve mund të çojë në një revoltë masive, duke rezultuar në një sulm të rishikimeve me një yll dhe dëmtim të mundshëm të reputacionit të kompanisë.
Chatboti My AI i Snapchat kalon një vijë të hollë midis argëtimit të padëmshëm dhe shqetësimeve të vërteta për sigurinë dhe privatësinë e përdoruesit.
Balancimi i këtyre aspekteve është thelbësor për çdo aplikacion që kërkon të integrojë AI pa probleme në përvojën e përdoruesit.
Duke i dhënë përparësi kënaqësisë së përdoruesit dhe duke adresuar shqetësimet e privatësisë, zhvilluesit e aplikacioneve mund të shmangin reagimet e panevojshme dhe të nxisin një mjedis më pozitiv dhe më të sigurt për përdoruesit e tyre.
Burimi: BBC/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
