Gazeta Si – Antipasta e titullit kampion në Serinë A, skuadra e Spaletit pritet nga një turmë e madhe tifozësh pas triumfit në Torino ndaj Juventusit.
Mungon vetëm pak që matematika të certifikojë titullin e Napolit, por në qytet festa e madhe ka nisur tashmë. Skuadra është pritur pas kthimit nga Torino nga më shumë se 10 mijë tifozë napoletanë, edhe pse ora shënonte 02:40. Një turmë e madhe në ekstazë në aeroportin e Kapodikinos.
Tifozët e kanë shoqëruar autobusin e skuadrës me mijëra motorë, fishekzjarre dhe flamuj. Osimhen dhe Kvaratskhelia ishin të papërmbajtshëm, ata kanë hipur mbi autobus dhe kanë filmuar gjithçka. Videot më pas i kanë shpërndarë në rrjetet sociale.
Vërtet një det i kaltër me tifozë, që mezi po presin zyrtarizimin e titullit. Një turmë e çmendur nga gëzimi, aq sa autobusit me lojtarët iu deshën disa minuta për të bërë vetëm pak metra. Mes fishekzjarresh dhe koresh, lojtarët e Napolit kanë shijuar spektaklin. Në qytet do të jetë një javë e gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
