Spastrimi në Twitter, Beyoncé dhe Ronaldo janë ndër të parët që humbin verifikimin

11:33 - 21 Prill 2023

Çfarë kanë të përbashkët Beyoncé dhe Cristiano Ronaldo? Nga sot, ato nuk kanë më adresa të verifikuara në Twitter.

Platforma e drejtuar nga Elon Musk nisi të enjten t’u heqë mijëra adresave verifikimet ose ‘tick-un’ blu.

Lëvizja vjen pasi Elon Musk ka deklaruar se kushdo që dëshiron të ketë një adresë të verifikuar, duhet të paguajë për të.

Përdoruesit që dëshirojnë të mbajnë tick-un blu pranë emrit të tyre duhet të paguajnë 84 dollarë në vit për t’u abonuar në Twitter Blue.

Musk gjithsesi me disa të famshëm është treguar bujar, duke u falur abonime falas.

Pavarësisht se tha se nuk do të paguante për t’u verifikuar, LeBron James ka ende një tick blu që është një abonim falas i dhuruar nga Elon Musk.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.