Gazeta Si – Myrto Uzuni realizoi sot golin e radhës në Spanjë. Sulmuesi i Kombëtares ishte protagonist në fitoren 2-1 të Granadës ndaj Las Palmasit, një rival direkt për kreun e renditjes.
Futbollisti beratas është ngjitur në kuotën e 21 golave, shumë afër rekordit të shënuesit më të mirë të Granadës, që mbahet nga Cesar me 23 gola në sezon.
Uzuni përfitoi nga një gabim në pasim i futbollistëve kundërshtarë dhe falë shpejtësisë së tij shënoi golin e dytë për skuadrën e tij në fundin e pjesës së parë. Ndryshe nga Kombëtarja, ku ai vuan për të shënuar, në Spanjë nuk mungon thuajse asnjëherë në takimin me golin.
Granada mban vendin e dytë në Ligën 2 në Spanjë, me 54 pikë, 1 më pak se Eibari kryesues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
