Gazeta Si – Fitore spektakolare e Mançester Sitit, 3-0 ndaj Bajernit të Mynihut në ndeshjen e parë çerekfinale të Ligës së Kampionëve. Kualifikimi duket vetëm një hap larg për anglezët, ashtu si dhe për Interin, që fitoi 0-2 në fushën e Benfikës.
𝐆𝐎𝐀𝐋 | 𝖬𝖺𝗇 𝖢𝗂𝗍𝗒 2-0 𝖡𝖺𝗒𝖾𝗋𝗇 (𝖲𝗂𝗅𝗏𝖺) pic.twitter.com/ljkYQP0Z3N
— EuroFoot (@eurofootcom) April 11, 2023
Spanjolli Rodri realizoi një gol për kornizë sapo kishte kaluar gjysma e pjesës së parë. Gjuajtja e tij nga distanca përfundoi në trekëndëshin e portës së bavarezëve, e mbrojtur nga Somer.
What a strike by rodri pic.twitter.com/QvxGTA1bv0
— … (@itznidz) April 11, 2023
Mbrëmja e madhe e skuadrës së Pep Guardiolës do të kompletohej në pjesën e dytë, me golat e Bernardo Silvës dhe Haland. Një fitore e madhe për ‘qytetarët’ ndaj një kundërshatri shumë të fortë në Champions. Në anën tjetër, një turpërim për gjermanët e drejtuar nga Tomas Tuhel, me probleme në mbrojtje. Duket se për Sitin është vërtet viti i Championsit.
𝐆𝐎𝐀𝐋 | 𝖬𝖺𝗇 𝖢𝗂𝗍𝗒 3-0 𝖡𝖺𝗒𝖾𝗋𝗇 (𝖧𝖺𝖺𝗅𝖺𝗇𝖽) pic.twitter.com/NXoiZkJWK8
— EuroFoot (@eurofootcom) April 11, 2023
Një fitore shumë të rëndësishme arriti sot edhe Interi. Italianët triumfuan 0-2 në Portugali ndaj Benfikës dhe janë shumë pranë kualifikimit në gjysmëfinale. Nikolo Barela i dha avantazhin Interit, duke gjuajtur saktë me kokë, pas një krosi të Bastonit nga e majta.
Romelu Lukaku, i aktivizuar në pjesën e dytë nga trajneri Inzagi, dyfishoi shifrat me penallti. Portugezët nuk mundën të shënonin as golin e nderit në fushën e tyre. Kristjan Asllani, mesfushori i Kombëtares, nuk luajti asnjë minutë në këtë ndeshje, duke e shijuar fitoren nga stoli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
