.png)
Gazeta Si – Kryeministri Edi Rama ka nderuar sot në një ceremoni të veçantë 7 nga sportistët elitarë shqiptarë me “yjet e mirënjohjes publike”. Janë sportistë që kanë arritur rezultate të larta në sporte të ndryshme, duke fituar tituj kampionë bote dhe Europe.
Këta sportistë kanë përfaqësuar Shqipërinë me dinjitet në peshëngritje, ski, mundje, boks, bilardo dhe bodibillding. Dhe fjala është për peshëngritësit Briken Calja dhe Erkand Qerimaj, skiatorja Lara Kolturi, bilardisti Eklent Kaçi, boksieri Alban Beqiri, mundësi Zhemlikan Abakarov dhe Genta Beqa në Bodibillding.
Fillimisht foli Fidel Ylli, presidenti i KOKSH-it e më pas kryeministri Edi Rama, i cili theksoi se tashmë është bërë traditë nderimi i atyre që ngrenë lart emrin e Shqipërisë në arenën ndërkombëtare. Mungonte në ceremoni vetëm mundësi Abakarov. Ai është natyralizuar shqiptar, ashtu si dhe skiatorja Lara Kolturi.
Në ceremoni merrte pjesë edhe ministrja e sportit Evis Kushi, ndërsa i ftuar special ishte presidenti i Federatës ndërkomnbëtare të peshëngritjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
