.png)
Gazeta Si – Xhudisti shqiptar, Indrit Çullhaj, ka shkëlqyer së fundi në një aktivitet të zhvilluar në Itali, ku ai ka fituar të gjitha ndeshjet dhe të fitojë medaljen e artë për peshën deri në 73 kilogramë. Në aktivitet kanë marrë pjesë xhudistë nga e gjitha bota.
Vetë sportisti ka postuar në faqen e tij disa foto, ku shfaqet me medaljen e fituar dhe flamurin shqiptar. “Në garën ndërkombëtare në Itali morën pjesë shumë sportistë nga i gjithë globi. Arrita të fitoj me ippon të gjitha ndeshjet. Jam shumë krenar, që ngre lart dhe krenohem me flamurin kuqezi”, – shkruan Çulhaj.
Ippon është elementi më i lartë teknik në xhudo, çka do të thotë se fitoret e Çulhajt kanë qenë të padiskutueshme. Tani xhudisti mendon për Grand slam-in e Turqisë, që është edhe një garë kualifikuse për Lojërat Olimpike Paris 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
