Gazeta Si – Tension në dhomat e zhveshjes të Francës pas vendimit të trajnerit Didier Deshamp për t’ia dhënë Kilian Mbapesë shiritin e kapitenit. Ai do të zëvendësojë portierin Hugo Loris, që i dha lamtumirën kombëtares.
Zgjedhja e trajnerit ka sjellë shpërthimin e sulmuesit Antuan Grizman, i 5-ti në klasifikimin e lojtarëve me më shumë ndeshje (117) me fanellën e Francës. Mes Grizman dhe trajnerit Deshamp ka pasur një debat të ashpër, madje lojtari ka kërcënuar me largim nga “Gjelat”.
Kjo është çështja e radhës te francezët, pas zënkave, skandaleve seksuale, lamtumirave të sforcuara, shkarkimeve, sherreve jashtë fushe dhe dyshimeve për mallkime shtrigash. Grizman nuk është i vetmi që nuk e ka pëlqyer vendimin për të graduar Mbape kapiten.
Për nga vjetërsia shiriti i takonte Grizmanit, ndaj dhe ky i fundit ka reaguar. Në të kaluarën, administrimi i grupit nga ana e Deshamp ka ngritur diskutime shpesh herë. Rasti më i bujshëm është ai i Karim Benzema. Fituesi i “Topit të Artë” mbeti jashtë Botërorit të Katarit nga trajneri. Pati një zënkë dhe polemika, sepse sulmuesi u rikuperua në kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
