Gazeta Si – Totenhemi ka fiksuar çmimin për shitjen e sulmuesit dhe kapitenit të tij, Herri Kejn. Futbollisti anglez është ndër më të kërkuarit në treg, ai është dëshirë e disa prej klubeve më të mëdha europiane, që duhet të japin 114 milionë euro për ta marrë.
Mançester Junajtid dhe Bajern Mynih janë dy skuadrat që më së shumti kërkojnë shërbimet e sulmuesit me eksperiencë, koha e të cilit te Totenhemi duket se ka përfunduar. Kejn ka një kontratë me klubin londinez deri në 2024-ën, por sipas ‘Times’, duket e pamundur që ajo të zgjatë deri atëherë.
Presidenti i Totenhemit, Daniel Levi, nuk do të pranonte një shifër më të ulët se 114 milionë euro për sulmuesin dhe të gjitha në një këst të vetëm. Tani mbetet të shihet se cili klub do të bëjë hapa konkretë përballë një çmimi të tillë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
