Gazeta Si – Milani humbi shansin e artë për vendin e dytë, duke barazuar 1-1 me Salernitanën në një ndeshje poshtë nivelit mesatar. Një hap i gabuar për kuqezinjtë.
Skuadra e trajnerit Stefano Pioli ka shpërdoruar një mundësi shumë të mirë për t’i marrë Interit vendin e dytë. Në ndeshjen përmbyllëse të javës së 26-të të Serisë A, kuqezinjtë nuk shkuan më shumë se barazimi. Ata mbajnë vendin e katërt, pas Interit dhe Lacios në klasifikim.
Në ‘Meazza’ Maignan mbajti Milanin në lojë, duke bllokuar sulmuesin Dia që u gjend i vetëm përballë tij. Zhiru shënoi me kokë në shtesën e pjesës së parë dhe u duk se kuqezinjtë po shkonin drejt ditores, por kaq nuk mjaftoi.
Dia barazoi shifrat në minutën e 61-të, pas një asisti perfekt të Bradaric. Në fund, portieri Oçoa ndali sulmet e Ibrahimoviçit me shokë, duke bërë që Salernitana të bëjë një surprizë të madhe në transfertë. nuk mungoi tensioni mes lojtarëve në minutat e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
