Gazeta Si – Geri Lineker, ish-ylli i Anglisë, Leiçesterit, Evertonit, Barcelonës dhe Totenhemit, nuk do të jetë më, – të paktën përkohësisht, – një nga personazhet e BBC-së. Ai është pezulluar nga emisioni “Match of the Day” pas polemikave të ditëve të fundit për një postim, ku kritikonte politikat e qeverisë për emigracionin.
Lineker akuzohet nga shumë të përditshme britanike. “Me aktivitetin e fundit në rrjetet sociale Lineker ka shkelur rregullat tona, – qëndrimi i BBC-së. – Duhet të qandrojë larg qëndrimeve për çështje politike”.
World’s gone mad. 😂 https://t.co/AxVy6s9DeQ
— Gary Lineker 💙💛 (@GaryLineker) March 8, 2023
Gjiganti mediatik shpjegon po ashtu se ka pasur diskutime të gjata me Gerin, deri në vendimin se për momentin është më mirë që ish-sulmuesi të bëjë një hap prapa: “Geri është gjithmonë i pari kur flitet për futboll dhe sport. Nuk kemi dyshuar kurrë për temat që i ka për zemër, por gjithmonë e kemi rekomanduar të mos hyjë në vorbulla politike”.
Të martën qeveria britanike bëri të ditur linjën e re në lidhje me çështjen e klandestinëve, duke u mohuar atyre të drejtën për të kërkuar azil, nëse zbarkojnë ilegalisht në ishull.
Lineker reagoi në Tuiter, duke e përkufizuar një masë “jashtëzakonisht mizore, drejtuar njerëzve më vulnerabël. Kjo gjuhë nuk dallon shumë nga ajo e përdorur nga Gjermania në vitet 30”.
Replika e ministres së brendshme, Suella Braverman, nuk vonoi. “Një qëndrim destruktiv, familja ime e ndjen shumë çështjen e Holokaustit, sepse burri im është hebre”, – shkruajti ajo. Lineker është pjesë e emisionit “Match of the Day” nga 1999-a dhe është personaliteti më i paguar, me më shumë se 1.5 milionë euro në 2020-21-shin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
