Gazeta Si – Nedim Bajrami shënoi sot në mbrëmje një gol shumë të rëndësishëm për të dhe për ekipin. Ai i dhuroi fitoren Sasuolos në ndeshjen me Kremonezen. Me një goditje të saktë në kohën shtesë, fantazisti kuqezi gjeti golin me vlerën e 3 pikëve, pasi deri atëherë gjithçka ishte në barazim, 2-2.
Sasuolo udhëhiqte 2-0, por u barazua nga Kremoneze dhe duhej ndihma e Bajramit për ta mbyllur me fitore ndeshjen. Lojtari i Kombëtares u fut në fushë në minutën e 68-të dhe kjo lëvizje e trajnerit rezultoi e goditur.
Bajrami nuk ka qenë gjithmonë titullar me Sasuolon dhe ky gol mund ta ndihmojë atë të marrë më shumë hapësirë. Goli i tij është një lajm i mirë edhe për trajnerin Silvinjo kur po afron ndeshja me Poloninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
