Gazeta Si – Laçi është tradhtuar sot ndaj Kukësit nga ai që mendohet të jetë pika më e fortë e tij, portieri Gentian Selmani. Pas rikthimit nga Turqia, Selmani, i grumbulluar më parë edhe në Kombëtare, nuk duket ai që jemi mësuar të shohim.
Gabimi i portierit në golin e dytë të Kukësit ishte fatal, pasi Laçi doli i mundur 1-2 nga fusha e tij dhe tani gjendet në vend të 8-të, në zonën e rënies nga Superiorja.
Guindo e kaloi Laçin në avantazh, por më pas erdhi përmbysja e Kukësit me golat e Rashitit dhe Ebert, ku një pjesë të madhe të përgjegjësisë e ka pikërisht portieri Selmani. Trajneri Mezani e zëvendësoi portierin titullar me Dajsinanin.
Kurbinasit nuk fitojnë prej 4 ndeshjesh dhe pozitat e tyre janë komplikuar ndjeshëm. Kukësi ndërkohë fiton terren në renditje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
