Gazeta Si – Myrto Uzuni është një makineri golash për Granadën. Sulmuesi kuqezi ka realizuar edhe sot për skuadrën spanjolle, në ndeshjen ndaj Burgos, që përfundoi me fitoren 1-3 të Granadës.
Futbollisti beratas realizoi golin e dytë, duke iu shkëputur mirë mbulimit të mbrojtësit kundërshtar për të devijuar në rrjetë një pasim nga e djathta. Uzuni është ngjitur në kuotën e 18 golave në kampionat dhe pa dyshim është një ndër lojtarët më të rëndësishëm për Granadën.
Tifozët e skuadrës spanjolle, siç e tregon edhe kjo foto, janë dashuruar me sulmuesin shqiptar. Falë golave të tij Granada shpreson të rikthehet në La Liga. Po ashtu, edhe tranjneri Silvinjo shpreson që Uzuni të ruajë këtë formë deri në ndeshjen me Poloninë, kur braziliani do të debutojë në stolin kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
