Gazeta Si – Ishte si një ndeshje stërvitore ajo që Tirana zhvilloi sot në Kamzë ndaj Kastriotit për fazën çerekfinale të Kupës së Shqipërisë. Skuadra e Shehit fitoi 1-4 dhe mund të quhet pa frikë gjysmëfinalistja e parë, edhe pse është për t’u lujtur edhe ndeshja e kthimit.
Të gjithë golat u shënuan në pjesën e dytë, pavarësisht dominimit të Tiranës. Patrik shënoi 2 herë sapo nisi kjo pjesë, krutanët shkrtuan në 1-2 me penallti, por menjëherë më pas kryeqytetasit shënuan golin e tretë me Berishën. Goli i katërt i Tiranës, i shënuar nga Nikqi, ishte më shumë një dhuratë e portierit të Kastriotit.
Nuk pati gola në ndeshjen tjetër mes Egnatias dhe Laçit. Barazimi 0-0 në pamje të parë favorizon skuadrën kurbinase, por tashmë goli në fushë kundërshtare nuk ka më vlerë, kështu që gjithçka mbetet e hapur për ndeshjen e kthimit në Laç.
Nesër luhen dy çerekfinalet e tjera, ato mes Kukësit dhe Teutës dhe Vllaznisë e Partizanit.
Kupa e Shqipërisë, çerekfinalet
Sot
Kastrioti-Tirana 1-4
Egnatia-Laçi 0-0
Të mërkurën
Kukësi-Teuta
Vllaznia-Partizani
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
