Gazeta Si – Kampionati ia la vendin këtë mesjavë Kupës së Shqipërisë, që luan ndeshjet e para çerekfinale të saj. Në fushë zbret sot Tirana, që përballet me Kastriotin, ndërsa Egnatia pret Laçin.
Tirana ka sot mundësinë të lërë pas humbjen 0-2 me Teutën në kampionat në një ndeshje të lehtë në letër. Krutanët mbajnë vendin e fundit në Superiore dhe janë kundërshtari më i lehtë për kryeqytetasit në këtë fazë të kompeticionit.
Ndeshja tjetër që luhet sot është ajo mes Egnatias dhe Laçit, një duel i barabartë ndoshta, por rrogozhinasit mund të kenë avantazhin e fushës. Laçi është një ekspert i Kupës së Shqipërisë, aq më tepër që nga kampionati e ka të vështirë të shkojë në Europë.
Dy ndeshjet e tjera çerekfinale luhen nesër. Ato janë Kukësi-Teuta dhe Partizani-Vllaznia. Pa dyshim, kjo e fundit është sfida më e madhe e Kupës, pasi ndeshjen dy nga skuadrat më të mira, që gjithashtu luftojnë edhe për titullin kampion në Superiore.
Dy ndeshjet e sotme luhen në orën 13:00, ndërsa ndeshjet e kthimit zhvillohen pas dy javësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
