Gazeta Si – Koreja e Jugut ka zyrtarizuar emërimin e Jurgen Klinsmanit në postin e trajnerit të kombëtares së futbollit. Ai zë vendin që kishte lënë bosh portugezi Paulo Bento pas Botërorit të Katarit.
Ish-sulmuesi i njohur gjerman ka firmosur një kontratë deri në 2026-ën me kombëtaren aziatike. Klinsman kthehet në detyrë pas një periudhe pushimi. Më parë ai ka drejtuar Gjermaninë dhe Shtetet e Bashkuara të Amerikës, si dhe Hertën e Berlinit në nivel klubesh.
Objektivi i trajnerit gjerman është që ta përgatisë Korenë e Jugut për kualifikimin në Botërorin e radhës dhe ta rritur nivelin e saj sa më shumë. Emri i trajnerit gjerman kishte qarkulluar kohët e fundit dhe sot është bërë edhe zyrtarizimi i marrëveshjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
