Gazeta Si – Ndryshon emërtimi i makinës së sezonit të ri për skuderinë nga Uoking, që prej 2017-ës ka ndjekur modelin MCL32 në mënyrë progresive. Këtë herë zgjedhja ka të bëjë me përvjetorin jubilar të themelimit.
Botërori i ri i Formula 1 është gjithmonë e më afër. Për skuderitë është koha e prezantimeve. Të hënën e ardhshme është dita e Aston Martin dhe MekLaren. Për këtë të fundit ka një kuriozitet, që lidhet me emrin. Nga 2017-a kjo skuadër ka ndjekur siglën MCL për emërtimin e makinës, duke lënë të mëparshmen MP4, që mbante që prej 1981-shit.
Proud of our past. Embracing our present. Shaping our future. 👊
— McLaren (@McLarenF1) February 8, 2023
A special name for a special year. #MCL60 coming 🔜 👀 pic.twitter.com/GRopoUh2At
Nga viti 2017 e më pas ka kaluar nga MCL32 deri te MCL36, ndërsa për 2023-shin ky rregull do të thyhet, sepse makina do të quhet MCL60.
Skuderia angleze ka vendosur të festojë kështu 60-vjetorin e themelimit të skuadrës. Kanë kaluar 60 vjet nga koha, kur Brus MekLaren themeloi skuderinë me emrin e tij. Që atëherë MekLaren ka fituar 8 tituj kampionë për konstruktorë dhe 12 tituj kampionë me pilotët.
Emri i ri shoqërohet edhe me një formacion të ri pilotësh, me debutuesin australian Oskar Piastri, i cili do të bashkohet me britanikun Lando Norris, i konfirmuar prej kohësh. Piastri merr vendin e Daniel Riçardos, që do të jetë pilot i tretë te Red Bull-i.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
