Gazeta Si – Projekti për cirkuitin që do të ndërtohet në Elbasan, me perspektivë edhe për garat e Formula 1, si pohoi vetë kryeministri Rama, ka bërë bujë në Europë. Shtypi italian i ka kushtuar një artikull këtij projekti, duke dhënë edhe disa detaje. Në artikullin e Sportmediaset shkruhet:
Shqipëria ka bërë hapat e parë për t’u afruar me automobilizmin sportiv. Lirim Zendeli, piloti 23-vjeçar i lindur në Gjermani, por me origjinë shqiptare, ishte ftuar nga ambasadori italian në Tiranë, Fabricio Buçi, në kuadrin e një iniciative me objektivin për të realizuar një cirkuit që përshtatet për të gjitha kategoritë, duke përfshirë edhe F.1, në Elbasan.
Zendeli është ‘blerja’ e fundit e ‘Monaco Increase Management’, kompania e themeluar nga sipërmarrësi italian Salvatore Gandolfo, që ka nën kontratë mes të tjerësh edhe Alex Palou, kampioni 2021 i Indycar dhe piloti i tretë MekLaren në F.1, si dhe liderin aktual të Formula E, Pascal Wehrlein.
Në një takim të fundit janë konfirmuar lidhjet miqësore që Italia ka me Shqipërinë. Në hotel ‘Maritim Plaza’, në praninë e kryeministrit Edi Rama, u zhvillua të premten konkursi për projektet e autodromit, me 4 propozime nga Italia, Britania e Madhe dhe Austria.
Në fund ka fituar projekti i ish-pilotit të Formula 1, Alex Wurz. Ai ka prezantuar një impiant multifunksional, për realizimin e të cilit do të duhen rreth katër vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
