Gazeta Si – Lançim amerikan për skuadrën që synon të rikonfirmohet kampione bote, si për pilotët, ashtu edhe për konstruktorët.
Nis nga Grande Mela gjuetia e Maks Vershtapen dhe Red Bull-it për titujt e radhës. Makina RB19, identike me atë të sezonit të kaluar, që kampioni holandez dhe shoku i tij Perez do të drejtojnë që nga gara e Bahrainit, në program pas një muaji, është zbuluar sot në Nju Jork.
Motropoli amerikan ishte skena ideale për zyrtarizimin e bashkëpunimit mes Red Bull-it dhe Fordit. Kompania amerikane kthehet në Botëror prej 2026-ës, pas 22 vitesh.
Vershtapen synon të bëjë tris, kurse Perez duhet të përmirësojë pozitat dhe të ruajë timonin e tij nga kandidatura e Daniel Riçardos, i rikthyer në familjen Red Bull si pilot rezervë dhe testesh për momentin.
the moment we have *ALL* been waiting for… 🤩🤩🤩
— Red Bull (@redbull) February 3, 2023
🔥 THE 2023 @redbullracing F1 CAR 🔥 pic.twitter.com/bfya2x0NSm
Nuk ka surpriza në makinën e re Red Bull. “Jemi shumë të emocionuar. Këtu në SHBA do të kemi tre gara të ndryshme mes tyre. Jemi shumë optimistë për mbrojtjen e titujve tanë. Është bukur të realizosh ëndrrat e famijërisë, të garosh në Formula 1. Kam provuar të gjitha kënaqësitë e mundshme, tani duhet të konfirmohemi dhe nuk do të jetë e lehtë. Përmirësimi vjen vit pas viti”, – ka thënë kampioni i botës, Maks Vershtapen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
