Gazeta Si – Anëtarët e ish-strukturës së Njësisë së Mbrojtjes së Votës në Partinë Demokratike, kanë dëshmuar këtë të premte në një tjetër seancë maratonë ndaj Arbër Paplekaj, i akuzuar për vrasjen e Pjerin Xhuvanit në 21 prill 2022.
I pari ka dëshmuar Arjan Hoxha, ish-përgjegjës i sigurisë për shtabin elektoral të subjektit politik Partia Demokratike për qarkun Elbasan. Në vijim kanë dëshmuar Erjon Demushi, Pavlo Vuksani dhe Nuredin Kasmi.
Burimet bëjnë me dije se dëshmitarët i kanë qëndruar dëshmive të para rreth ngjarjes. Në listë janë në cilësinë e dëshmitarëve okularë plot 59 persona, përfshirë dhe punonjësit e policisë së Shqiponjave dhe dy ish-zëvendës drejtorët e Policisë.
Në seancën e mëparshme, janë shqyrtuar pamjet filmike të vendit të ngjarjes ku u vra Pjerin Xhuvani, të cilat shkaktuan konfuzion mes palëve në Gjykatën e Elbasanit, pasi pamjet e sekuestruara nga kamerat rrotull vendit të ngjarjes në lagjen “5 Maji” në Elbasan në 21 prill 2021 nuk janë të qarta.
Për vrasjen e bujshme të ndodhur pak ditë para zgjedhjeve parlamentare u vetë-dorëzua Arbër Paplekaj, truprojë i drejtuesit politik të PD në Elbasan në atë kohë Gazmend Bardhi.
Seanca e radhës u shty për më datën 1 shkurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
