Gazeta Si – Edhe këtë vit nuk do të garohet në Kinë dhe kjo garë nuk do të zëvendësohet në kalendarin e 2023-shit. Edicioni i fundit i një gare në Shangai është ai i katër viteve më parë.
Botërori i Formula 1 2023 do të ketë 23 gara. Përfundimisht është anuluar Çmimi i Madh i Kinës, që organizatorët e Botërorit kanë vendosur të mos e zëvendësojnë. Ata kanë publikuar kalendarin zyrtar, që me këtë ndryshim do të ketë një ndërprerje prej gati një muaji mes garave të Australisë më 2 prill dhe asaj të Azerbajxhanit më 30 prill.
Gara e Shhangait duhej të zhvillohej më 16 prill, sipas kalendarit të mëparshëm. Botërori për të katërtin vit radhazi duhet të bëjë pa një prej tregjeve të tij kryesore. Fituesit e fundit të Çmimit të Madh të Kinës (në 2019-ën) mbeten Ljuis Hemilton dhe Mercedesi.
Botërori 2023 i Formula 1 fillon të dielën e 5 marsit në Bahrein dhe mbyllet të dielën e 26 nëntorit në Abu Dhabi. Maks Vershtapen është kampioni në fuqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
