.png)
Elon Musk ka postuar në Twitter për herë të parë që kur më shumë se 10 milionë njerëz votuan në favor të dorëheqjes së tij nga posti i shefit ekzekutiv të Twitter, duke thënë se vetëm abonentët me pagesë të ‘Twitter Blue’ do të mund të votojnë në sondazhet e ardhshme të lidhura me politikat e platformës.
Musk ka pyetur përdoruesit e Twitter nëse ai duhet të largohet nga posti e drejtuesit, duke premtuar se do ti përmbahet sondazhit. Kur sondazhi u mbyll, 57.5% thanë se ai duhet të tërhiqej.
Musk nuk postoi në Twitter orët pasardhëse por heshtja e tij u thyer kur ai iu përgjigj me “Interesante” komenteve që thonin se votat kanë ardhur nga llogari të rreme.
Duke iu përgjigjur sugjerimit të një përdoruesi tjetër i cili tha se “Përdoruesit e verifikuar duhet të jenë të vetmit që mund të votojnë në sondazhet e lidhura me politikat”, Musk shkroi: “Mendim i mirë. Twitter do ta bëjë këtë ndryshim”.
Twitter Blue është një abonim me pagesë që lejon këdo që të blejë një shenjë blu për llogarinë e tij që tregon se është një llogari e verifikuar.
Musk ka një histori të përdorimit të sondazheve në Twitter për të vulosur vendime të mëdha, duke shitur një të dhjetën e zotërimeve të tij në Tesla pas një sondazhi në vitin 2021 dhe duke rikthyer Donald Trump në Twitter muajin e kaluar.
Ideja e dorëheqjes si shef ekzekutiv është lënë të kuptohet shumë kohë përpara se të publikohej sondazhi në Twitter. Më 16 nëntor, ai i tha se kishte në plan të mos harxhonte më aq shumë kohë në Twitter dhe të gjente dikë tjetër për të drejtuar Twitter me kalimin e kohës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
