.png)
Pronari i Twitter, Elon Musk u ka kërkuar përdoruesve të platformës të votojnë për të ardhmen e tij si shef ekzekutiv.
Në një sondazh për 122 milionë ndjekësit e tij, ai shkroi në Twitter: “A duhet të largohem nga posti i kreut… Do të bëhet ajo që doni ju”.
Manjati i teknologjisë, i cili gjithashtu drejton Tesla-n dhe Space X, është përballur me shumë kritika që nga marrja e Twitter-it.
Pas një beteje ligjore, Musk mori kontrollin e kompanisë në tetor në një marrëveshje prej 44 miliardë dollarësh.
Deri në mëngjesin e të hënës, më shumë se 13 milionë njerëz kishin votuar në sondazhin e tij dhe 57 për qind kishin thënë “po”.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
Dan Ives, ekspert IT tha se nëse do të ndiqet votimi, mund të jetë fundi i mbretërimit të Musk si shef ekzekutivi i Twitter.
Musk është kritikuar për qasjen e tij ndaj moderimit të përmbajtjes, me disa grupe që e akuzojnë atë për përhapjen e gjuhën së urrejtjes dhe dezinformimin.
“Unë mendoj se përfundimisht në 24 orët e ardhshme Musk ndoshta do të emërojë një CEO të ri të përkohshëm të Twitter”, tha Ives.
Pas fillimit të sondazhit, Musk shkroi në Twitter: “Siç thuhet, ki kujdes se çfarë dëshiron, pasi mund ta marrësh”.
Ai shtoi më vonë: “Ata që duan pushtet janë ata që më së paku e meritojnë atë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
