.png)
Kryeministrja serbe, Ana Brnabiç ka deklaruar se presidenti serb Aleksandër Vuçiç nuk ka marrë ende një vendim për të shkuar në Samitin BE-Ballkani Perëndimor që do të zhvillohet nesër në Tiranë.
“Si qenie njerëzore e kuptoj dilemën që ka Vuçiç”, tha kryeministrja serbe në emisionin “Hit Tweet” në televizionin TV Pink.
Më tej ajo tha se shpesh pyet veten se si një person ka nerva, tolerancë dhe durim si Aleksandër Vuçiç.
Sakaq ajo tha se Vuçiç duhet të shkojë në Samit, pasi pjesëmarrja e presidentit serb në Samit është me rëndësi për vendin.
“Kjo është mënyra më e mirë për t’u përballur me hipokrizinë”, tha Brnabiç.
Disa ditë më parë, Vuçiç u shpreh se askush nga Serbia nuk do të jetë në Tiranë në Samitin BE-Ballkani Perëndimor për shkak të reagimit që ai e cilësoi “të turpshëm” të BE-së për emërimin e Nenad Rashiçit si ministër në Qeverinë e Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
