Një atentat i përgatitur për një punonjës të Tatimeve në Shkodër ka dështuar. Mësohet se policia e qytetit verior ka zbuluar një granatë në makinën e shtetasit Nehat Zaganjori.
Ngjarja ka ndodhur në vendin e quajtur Ura Dervishbeg, por fatmirësisht granata e vendosur në mjetin tip ‘Benz’ nuk ka shpërthyer.
Policia ndodhet në vendngjarje dhe grupi hetimor dyshon se granata ishte një mesazh kërcënues ndaj punonjësit të Tatimeve dhe gjithçka mund të ketë ndodhur për shkak të detyrës së Zaganjorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
