Gazeta Si – Pas garës Sprint, ja ku vjen fitorja edhe në garën zyrtare të Brazilit. Suksesi i parë në karrierë për Xhorxh Rasëll, të cilit duket se Brazili i ka sjellë fat.
Një fitore e merituar për pilotin britanik të Mercedesit. Rasëll la pas shokun e skuadrës Ljuis Hemilton dhe spanjollin e Ferrarit, Karlos Sainz. Jashtë podit mbetën Sharl Leklerk, që në fillim u përplas pasi u prek nga MekLareni i Norris, si dhe kampioni Vershtapen, që e mbylli në vend të 6-të.
Pas asaj super paraqitjeje në garën Sprint, Xhorxh Rasëll ia doli të triumfojë në Çmimin e Madh të Brazilit. Ai përmbushi pritshmëritë në Interlagos, në fund të një gare që e administroi mjaft mirë me Mercedesin e tij.
He won the Sprint on Saturday, and on Sunday he went the distance! Your newest Grand Prix winner, Mr @GeorgeRussell63!#BrazilGP #F1 pic.twitter.com/97SGdUOXig
— Formula 1 (@F1) November 13, 2022
Anglezi bëri një garë për kornizë, përballoi në mënyrën më të mirë 71 xhiro, duke treguar eksperiencë në seksesin e parë në F.1. Në fund i meritoi duartrokitjet nga bosket dhe kolegu Hemilton, të cilit iu desh të përulej ndaj fuqisë së “princit”.
Rasëll nuk u rrezikua seriozisht fillimisht nga Vershtapen dhe më pas nga Hemilton. Makina e tij fluturonte mes entuziazmit në San Paolo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
