Gazeta Si – Në bilancin e një jave, Policia e Shtetit njofton se ka arrestuar 154 persona, janë proceduar penalisht 441 qytetarë, ndërsa 24 janë shpallur në kërkim.
Gjatë kësaj jave, është bërë i mundur lokalizimi dhe kapja e 27 personave në kërkim, nga të cilët 26 janë në kërkim kombëtar dhe 1 në kërkim ndërkombëtar për vepra të ndryshme penale.
Në fushën e armëmbajtjes pa leje janë goditur 11 raste dhe janë sekuestruar 6 armë zjarri, 2 armë gjahu, 7 thika, 1 dorezë dhe 1 shkop si i Policisë.
Gjatë kësaj jave janë finalizuar 32 operacione policore dhe 1 megaoperacion, për goditjen e paligjshmërive në fusha të ndryshme.
Për sa i përket luftës ndaj drogërave policisë rendit operacionin e finalizuar një ditë më parë në Korçë ku 54 shtetas të arrestuar, 16 shtetas të shpallur në kërkim dhe 127 shtetas nën hetim, si rezultat i 2 fazave të megaoperacionit antidrogë “Knock Doën”.
Kokainë, heroinë, kanabis, armë zjarri dhe sende të tjera të kundërligjshme, të sekuestruara gjatë ndjekjes së hetimit.
Nga ana tjetër, gjatë 2 fazave të operacionit “Fasada”, në Elbasan, janë konfiskuar pasuri me vlerë 3 000 000 euro, që burojnë nga veprimtari kriminale, si dhe është vendosur sekuestro preventive për pasuri të tjera, me vlerë 400 000 euro.
Për sa i përket drejtorisë së Tiranës në një 1 jave janë zhvilluar 8 operacione për evidentimin dhe goditjen e organizimit të kundërligjshëm të lojërave të fatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
