Gazeta Si – Pas Kukësit dhe Teutës është Egnatia që bën ndryshim në stol. Edlir Tetova është larguar nga drejtimi i skuadrës rrogozhinase pas humbjes së sotme me Teutën. Drejtuesit e klubit nuk kanë pritur më dhe kanë ndarë rrugët me trajnerin durrsak.
Shpëtim Duro është trajneri i ri i ekipit rrogozhinas. Ai ishte kandidati kryesor për t’u ulur në stolin e Egnatias dhe mes palëve kishte kontakte, por në skenë doli edhe emri i italianit Diego Longo, i cili drejtoi Kukësin sezonin e kaluar.
Rrogozhinasit investuan fuqishëm në verë, duke afruar shumë futbollistë. Pretendimet e tyre janë të mëdha për këtë sezon, por aktualisht mbajnë vendin e 6-të, me 9 pikë. Katër javët e fundit Egnatia nuk ka mundur të fitojë asnjë ndeshje, ndërsa humbje e sotme bëri që të vendoset për ndryshimin e trajnerit.
Klubi ka vendosur tashmë t'i besojë Shpëtim Duros. Trajneri kryeqytetas do të debutojë në krye të Egnatias në ndeshjen me Kukësin në fundjavë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.