Gazeta Si – Gjykata e Tiranës ka firmosur këtë të premte për ekstradimin e shtetasit kinez Linagbin Chen i shpallur në kërkim nga Kina për mashtrim.
Ai akuzohet se ka përfituar përmes mashtrimit 147 milion dollarë. Chen ishte kreu i një grupi kriminal dhe u arrestuar nga policia në Rinas, pasi ndaj tij ishte lëshuar një urdhër arresti e ishte shpallur në kërkim nga autoriotet kineze.
Me këtë vendim gjykata rrëzoi dhe kërkesën e tij për tu mos ekstraduar drejt Kinës.
Shtetasi kinez u kap në Rinas dhe Prokuroria vendosi ta dënojë me “arrest me burg”, por më pas e zbuti vendimin në masë “arrest shtëpie” pasi vuante nga një sëmundje në tru, për shkak të një mase mishi të huaj në kokë.
Chen akuzohet si kreu i bandës e cila ka patur selinë në qytetin Huzhou në Kinë dhe që ka kryer mashtrime në platformat online për ambiente me qira, shitje kompjuterësh dhe telefonash në Dubai, Kinë dhe Emiratet e Bashkuara Arabe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
