.png)
Shqiptarja Nensi Dojaka ka arritur shumë që në fillimet e saj në vitin 2017 kur krijoi markën e saj me të njëjtin emër.
Ai fitoi çmimin LVMH në 2021, një çmim që jepet nga Louis Vuitton. Bella Hadid ka veshur krijimet e saj të veçanta, ashtu si Zendaya, Emma Watson dhe Beyoncé (e cila është e njohur për mbështetjen e talenteve të reja në modë). Thënë kjo, është e panevojshme të thuhet se koleksioni i saj Pranverë/ Verë 2023 në javën e modës pritej me padurim.
Diçka që u vu re ishte qetësia e Dojakës, një tipar që e karakterizon dhe është vënë re në çdo organizim të saj.
I shfaqur në mes të Javës së Modës në Londër, koleksioni saj më i fundit dha gjithçka që fansat e saj duan nga Dojaka.
Dekolte delikate, silueta që thekson format dhe pëlhurat e tejdukshme që tashmë e identifikojnë më së miri markën e saj.
Puna e stilistes është padyshim tunduese, por gjithashtu e fuqishme dhe e fortë, siç janë gratë që i veshin ato. Dhe mund ta shihje atë besim në fytyrat e modeleve, ndër to Paloma Elsesser dhe Emily Ratajkowski, duke ecur në sfilatë. Ato ishin sensuale por dhe të sigurta, ndjesi që vijnë kur e di se sa bukur je veshur dhe sa bukur dukesh.
Sigurisht që Dojaka ka shumë rrugë për të qenë një nga markat më të njohura por koleksionet e saj tregojnë se ajo është në rrugën e duhur.
Në koleksionin e saj ajo kishte edhe risi siç është ngjyra rozë. Dojaka njihet për koleksionet e saj që janë vetëm të zeza, bezhë dhe rrallëherë në ngjyrë pana.
Këtë herë përfshiu edhe fustan ngjyrë rozë, vishnje dhe xhinset.
Kishte gjithashtu disa mini funde të veshura me pëlhurë të tejdukshme. Sa i përket pantallonave të shkurtra (dhe të tejdukshme) të frymëzuara nga të brendshmet, janë një veshje që kush guxon ti veshë, e di se do të “sundojë” botën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
