Ethereum ka kompletuar procesin e përditësimit të rrjetit të tij, zhvillimi më i rëndësishmë në botën e kriptomonedhave që po hap rrugën për përdorim më të madh të rrjetit të tij.
Quajtuar “Merge”, shkrirja, procesi përfundoi mëngjesin e të enjtes, sipas njoftimit të themeluesit të Ethereum, Vitalik Buterin.
Ndryshimi ka zëvendësuar kompjuterët e uritur për energji në një resht transaksionesh me lidhje eficente të energjisë dhe më të shpejta. Konsumi i energjisë nga Ethereum do të reduktohet me 99%. Një ndryshim i tillë nuk ishte bërë kurrë më aprë në kripto. “Merge” nuk e ndryshon përvojën e përdoruesit fundor në Ethereum, por është një hap kyç për më shumë përmirësime që do ta bëjnë rrjetin më të shpejtë dhe më të lirë, dhe duhet të rrisë më tej përdorimin e tij.
“Ky është hapi i parë i Ethereum në udhëtimin e tij për t’u bërë një sistem serioz”, – tha Buterin.
“Dhe kanë mbetur hapa për të bërë. Ne ende duhet të përshkallëzojmë, duhet të rregullojmë privatësinë. Për mua, Merge simbolizon ndryshimin midis një Ethereum të fazës së hershme dhe Ethereum-it që kemi dashur gjithmonë.”
Ether ka rënë me më shumë se 50% deri më tani këtë vit, pasi u pesëfishua në vitin 2021. Performanca e tij është rritur më ngushtë me atë të Bitcoin, kriptomonedhës më të madhe në botë, gjatë muajit të fundit.
Përmirësimi i softuerit quhet Merge sepse blockchain ekzistues Ethereum do të kombinohet me një rrjet paralel që funksionon për gati dy vjet për të testuar konceptin e provës së aksioneve. Përmirësimi ka qenë në shqyrtim për më shumë se shtatë vjet.
Edhe pse i përfunduar, Merge mund të pasohet nga ditë apo edhe javë të tëra, bazuar në atë që ndodhi pas disa përditësimeve të mëparshme të softuerit Ethereum. Të shqetësuar për gabimet dhe hakimet, shkëmbimet e kriptove si Coinbase Global Inc. ndaluan tërheqjet dhe depozitat e lidhura me Ethereum gjatë kohës së përmirësimit të softuerit. Huadhënësi i kriptove Aave kishte pezulluar huamarrjen e Ether-it përpara Merge./Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
