Bordi i Transparencës ka ulur për të dytën ditë radhazi çmimin e naftës në vend.
Sipas vendimit të fundit, nafta me pakicë do të tregtohet me 216 lekë, nga 224 lekë që u ul çmimi dje(15 shtator).
Benzina gjithashtu është ulur dhe do të tregtohet me 194 lekë, nga 198 lekë që u rrit dje ndërsa gazi me 77 lekë për litër, nga 78 në vendimin e djeshëm.
Çmimet e caktuara nga Bordi do të hynë në fuqi sot datë 16 shtator ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi ka njoftuar po ashtu se është përmbajtur me përpikëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatoreve.
Bordi nuk cakton çmimet e naftës Bruto, por të gazoilit, benzinës dhe gazit të lëngshëm sipas standardeve të përcaktuara në Aktin Normativ.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
