Gazeta Si – Një 30-vjeçar shqiptar është vënë në pranga në Itali, pasi u kap me një sasi të konsiderueshme droge.
Sipas mediave lokale, atij iu gjetën mbi 40 kilogramë kokainë e pastër me vlerë 10 milionë euro nëse do të hidhej në treg.
Kontrolli në mjetin e shqiptarit, identiteti i të cilit nuk është bërë i ditur, u krye të premten në mëngjes. Karabinierët e Ancona-s i gjetën aty 1 kilogram kokainë të fshehur.
Por pas kësaj, të riut, i cili qëndronte në Breshia, iu ushtrua një kontroll edhe në shtëpi. Aty gjetën edhe sasinë tjetër të kokainës e cila ishte e cilësisë më të lartë. Po ashtu, shqiptari kishte edhe një pistoletë me municion.
Sipas mediave, apartamenti përdorej si një laborator dhe magazinë. Aty u gjetën edhe para cash dhe mjetet e tjera të nevojshme për të ndarë sasinë e kokainës.
Mësohet se i riu shqiptar kërkohej nga Guardia di Finanza e Breshias. Tashmë ata shpresojnë që shqiptari të flasë për të bërë të mundur zbërthimin e të gjithë skemës kriminale dhe të gjithë personave të tjerë të përfshirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
