Gazeta Si - Ja ku vjen edhe momenti i debutimit të Kristjan Asllanit në një ndeshje zyrtare me fanellën e Interit. Mesfushori kuqezi u fut në fushë në ndeshjen e sotme ndaj Specias, ku zikaltrit fituan 3-0.
Asllani comes on for his Inter debut! 🔁 #ForzaInter #InterSpezia 3-0 (85') pic.twitter.com/wxmeMYa8E4
— Inter (@Inter_en) August 20, 2022
Kishin mbetur edhe 6 minuta lojë nga koha e rregullt, kur trajneri Inzagi vendosi të largonte nga fusha Brozoviçin për t’i dhënë Asllanit kënaqësinë e debutimit në Milano. Një moment i veçantë për 20-vjeçarin elbasanas, që shpreson të ketë më shumë hapësirë në vazhdim.
Interi fitoi me lehtësi ndaj Specias, me gola të Lautaro Martinez, Çalhanoglu dhe Korreas. Ishte fitorja e dytë në po kaq ndeshje, që do të thotë vendi i parë për skuadrën zikaltër.
Në ndeshjet e tjera të Serisë A, Lacio barazoi 0-0 në fushën e Torinos. Asnjë minutë për Elseid Hysajn, ashtu si dhe për Frederik Veselin në barazimin që Salernitana arriti në fushën e Udinezes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.