.png)
Praktika profesionale e mësuesve është shkurtuar nga një vit në 3 muaj. Lajmin e ka bërë të ditur ministrja e Arsimit Evis Kushi me anë të një njoftimi në Facebook. Kushi shkruan se ky hap mundëson pjesëmarrje më të shpejtë të mësuesve në portal e më pas për punësim.
Kushi thotë gjithashtu se shkurtimi i kësaj periudhe vjen si unifikim i kohëzgjatjes së praktikës edhe me profesionet e tjera si ai i mjekut, i infermierit dhe i psikologut, të cilët gjithashtu e kanë kohëzgjatjen e praktikës 3 muaj.
Tre ditë më parë Kushi njoftoi se do të kenë një periudhë 3-mujore prove dhe vlerësimi psiko-social për mësuesit e rinj dhe të gjithë punonjësit e institucioneve arsimore parauniversitare.
Sipas Kushit, ky vendim vjen duke marrë shkas nga rastet e dhunës, abuzimeve dhe vepra të tjera penale të mësuesve ndaj nxënësve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
