Gazeta Si – Armando Broja është lakuar shumë në merkato deri tani, por fakt është se ai tani për tani është pjesë e Çelsit. Madje, trajneri Tuhel e ka në konsideratë dhe për këtë i ‘dhuroi’ 15 minuta në fitoren 0-1 ndaj Evertonit.
Sulmuesi kuqezi e nisi nga stoli ndeshjen hapëse të kampionatit për Çelsin. Londinezët kaluan në avantazh me penalltinë e Zhorzhinjos në fundin e pjesës së parë.
Në pjesën e dytë, për të freskuar skuadrën, trajneri Tomas Tuhel hodhi në fushë edhe Brojën. Ishte minuta e 75-të, kur lojtari i Kombëtares shqiptare zurin vendin e gjermanit Kai Havertz.
A third switch.
— Chelsea FC (@ChelseaFC) August 6, 2022
🔵 0-1 ⚪️ [74] #EveChe pic.twitter.com/NyRWarQ97T
Në kohën shtesë Broja iu afrua golit, por u ndal nga portieri Pikford. Gjithsesi, për lojtarin kuqezi ishte pozitiv aktivizimi në këtë ndeshje. Një sinjal ky për qëndrimin përfundimtar te Çelsi, por merkatoja nuk është mbyllur dhe gjithçka mund të ndodhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.