.png)
Gazeta Si – Në gjysmëfinalen e Roland Garros, ‘Coco’ Gauf ka mundur 6-3, 6-1 italianen Trevisan dhe ka fluturuar në finale. Për amerikanen është finalja e parë në një turne Slam. Dhe është vetëm 18 vjeç, i ka mbushur në fillim të vitit.
“Ju lutem, mjaft me dhunën dhe armët”, – ishte mesazhi i Gauf para telekamerave, duke konfirmuar edhe impenjimin e saj social.
Gauf do të mundohet të ndalë Iga Shviatek në finalen e turneut francez. Numri 1 në botë eliminoi rusen Kasatkina në gjysmëfinale dhe tani kërkon të bëjë bis në Paris. Polakja është pamposhtur që në fillim të sezonit.
‘Coco’ Gauf, që kur ishte 15 vjeç i mahniti të gjithë, duke mundur Venus Uilliams në Uimbëlldon, është persekutuar nga krahasimi me motrat që kanë dominuar tenisin femëror. Tani e ka kaluar këtë fazë dhe është gati për takimin më të rëndësishëm.
Speaking facts 💯#RolandGarros pic.twitter.com/ZJ5PCrXxVQ
— Roland-Garros (@rolandgarros) June 2, 2022
“Unë jam kjo që jam. Krahasimet nuk më japin kënaqësi. Ndjek rrugën time, më quani vetëm ‘Coco”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
