.png)
Gazeta Si – Holger Rune dhe Kasper Rud dhuruan spektakël në çerekfinalen e Roland Garros. ‘Show’ mes tyre vazhdoi edhe pas kuintave, pas ndeshjes, por në një mënyrë aspak elegante. Pati një fërkim mes tyre.
Tenisti danez, numri 40 i klasifikimit botëror dhe surprizë e madhe e turneut, ka treguar atë që ndodhi pas ndeshjes. Për të përditshmen “Ekstra Bladet”, ai ka pohuar se është sulmuar verbalisht nga kundërshtari, norvegjezi Rud.
“Kur ishim në dhomat e zhveshjes, ekipi i Rud erdhi të më përgëzonte për ndeshjen. Janë persona shumë miqësorë”, – ka shpjeguar 19-vjeçari nga Kopenhageni.
“Papritur Kasper u afrua dhe më ulëriti përpara fytyrës ‘jaaaa!’, duke festuar suksesin e tij. Për pasojë tonet u ngritën dhe i bërtita kundër vullnetit tim. I thashë se çfarë dreqin po bënte.
Mund të festosh dhe të bërtasësh në fushë, por ajo ulërimë në fytyrë ashtu është mungesë respekti”, – ka thënë me tej Rune. Nuk munguan ‘xixat’ në fakt edhe gjatë ndeshjes. Në një moment Rud i ka kërkuar danezit të mos flasë.
LET'S GOOO! 🇳🇴 @CasperRuud98 @rolandgarros | #RolandGarrospic.twitter.com/syO1r0FSsI
— ATP Tour (@atptour) June 1, 2022
“Ishte shumë antisportiv gjithë ndeshjen. Prandaj nuk desha ta përqafoj apo t’i flas në fund. Kam thënë shpesh se e admiroj si lojtar dhe kam respekt për të, ndaj nuk e kuptoj sjelljen e tij ndaj meje.
Ndoshta do që të gjunjëzohem para tij? 99% e lojtarëve të turneut më respektojnë, mund të jetoj i qetë edhe pa konsideratën e tij”, – ka theksuar Rune.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
