Gazeta Si - Trajneri i Romës ka fituar më parë Ligën e Kampionëve dhe Ligën e Europës. Me fitimin e Ligës së Konferencës në Tiranë Mourinjo vendos një rekord. I pagabueshëm portugezi në finale.
Dy Champions me Porton dhe Interin, një Kupë UEFA me Porton dhe një Europa Ligë me Mançester Junajtid. Ja ku vjen edhe Liga e Konferencës me Romën. Një rekord.
DAJEEEEEEEEEEEEEEEEEEEEE pic.twitter.com/zSJDgMZJ9E
— AS Roma (@OfficialASRoma) May 25, 2022
Teorikisht duhej të ishin 4 trofe të ndryshëm, por Kupa UEFA konsiderohet e njëjtë me atë që portugezi ka fituar me Mançesterin.
Tre turne europianë të ndryshëm të fituar nga Mourinjo, ashtu si Trapatoni. Italiani ka fituar Kupën e Kampionëve '85, Kupën e Kupave '84 dhe Kupën UEFA '77 dhe '93 me Juventusin dhe '91 me Interin.
Po kështu ka bërë edhe Latek, trajneri gjerman që deri tani ishte i vetmi që ka fituar tre trofe europianë me tri skuadra të ndryshme (Bajern '74, Barcelona ’82 dhe Borusia Mënshengladbah ‘79). Ky rekord i tij tani është thyer nga Mourinjo.
Me suksesin e arritur në Tiranë, portugezi shkon në 26 trofe të fituar në karrierë. Tani është në vend të 5-të për trofetë e fituar.
Kryeson Aleks Ferguson me 49 trofe, i ndjekur nga Mirçea Luçesku (34), Pep Guardiola (32) dhe Valeri Lobanovski (27). Pas Mourinjos vijnë Otmar Hitzfeld (25), Jock Stein (25), Xhovani Trapatoni (22), Valter Smith (22) dhe Arsen Venger (21).
Një rekord më shumë i një karriere autentike si legjendë e futbollit botëror. Pas fitores në Tiranë, Mourinjo ka theksuar se do të qëndrojë te Roma.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.