Gazeta Si – Piloti holandez i Red Bull-it, Maks Vershtapen, ka folur në prag të garës së Spanjës. Çmimi i Madh i kësaj fundjave ka shumë tema mbi tavolinë. Nga lufta mes Ferrarit dhe Red Bull-it, te diskutimi për çatinë e shpenzimeve.
“Nuk kemi shumë ndryshime këtu në Montmelò, – thotë holandezi. – Kemi bërë vetëm një reduktim të peshës. Makina jonë është ende pak e rëndë dhe duhet ta ‘dobësojmë’ pak.
Sfida me Ferrarin është e fortë. Nëse shohim garat e fundit, ata janë aty, nuk e dimë çfarë avantazhesh do të kenë pas ndryshimeve që kanë bërë. Jam kurioz t’i shoh, por ne njohim mirë makinën tonë dhe kemi besim tek ajo.
Shpresojmë para së gjithash që fundjava jonë të jetë e pastër. Më shumë parakalime në këtë pistë me makinat e reja? Nuk e di, le të themi që për ne objektivi është që të qëndrojmë përpara gjithmonë”, – ka theksuar Vershtapen.
Kampioni i botës ka prekur më tej çështjen e limitit të shpenzimeve. Vershtapen nuk shqetësohet për këtë pjesë: “Nuk shoh probleme, sepse ‘budget cap’ është i njëjtë për të gjithë. Nisemi të gjithë njësoj”.
Let's gooooo! FP1 is LIVE 👊#SpanishGP #F1 pic.twitter.com/D7mtFepSev
— Formula 1 (@F1) May 20, 2022
Në fund edhe një mendim për lodhjen fizike të pilotëve me veturat e reja: “Çdo sport kërkon një impenjim të madh fizik dhe në këtë pjesë ne jemi më me fat se sportistët e tjerë.
Pas reduktimit të lartësisë nga toka është pak më e vështirë për të drejtuar makinat. Duhet të gjesh ekuilibrin e duhur, por unë nuk kam pasur asnjëherë probleme”, – ka përfunduar Vershtapen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
