Gazeta Si – Drejtori i komanduar në burgun e Reçit në Shkodër, Ervis Zika është arrestuar, pasi akuzohet për shpërdorim detyre dhe vjedhje.
Ai akuzohet për vjedhje duke shpërdorur detyrën, e konkretisht për vjedhje karburanti, duke firmosur dokumente fiktive.
Në lidhje me abuzimin me karburantin po hetohen edhe ish-zyrtarë të tjerë.
Ervis Zika dyshohet edhe që të ketë futur sende të kundërligjshme në burgun e Reçit, pasi në disa raste ka hyrë në ambientet e burgut pa kaluar në skaner.
Zika u vu në pranga me urdhër të Prokurorisë së Rrethit Gjyqësor Shkodër, konfirmoi mbrëmjen e djeshme ministria e Drejtësisë.
Gjykata e Shkodrës ka caktuar “arrest me burg” dhe “Pezullimi i ushtrimit të një detyre a shërbimi publik”.
Brenda disa orësh nga arrestimi i drejtorit të komanduar të burgut të Reçit, është gjetur zënvendësuesi i tij.
Ai do të jetë Seit Vuçaj, i cili do të prezantohet nga Drejtori i Përgjithshëm i Burgjeve, Admir Abrija.
Arrestimi i Zikës vjen pas disa ngjarjeve të ndodhura më parë në këtë burg, që në kohën kur drejtohej nga Maliq Meta.
Ky i fundit është shkarkuar nga posti i drejtorit të Burgut të Reçit në Shkodër, më 12 janar të këtij viti.
Bashkë me të edhe Robert Bundo, Shefi i policisë në këtë institucion dhe polici Gëzim Qoshku.
Pezullimi i tyre nga puna erdhi pas akuzave se falsifikuan raportin për një konflikt fizik brenda burg
Gjatë atyre ditëve u pezulluan dhe arrestuan dy specialistë-psikologë në burgun e Reçit të akuzuar se merrnin para në këmbim të disa shërbimeve në burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
