Gazeta Si – Sharl Leklerk ishte në majë të klasifikimit të turnit të vetëm të provave të lira të së premtes në Imola. Francezi zuri vendin e parë, me 877 të mijëtat më mirë se shoku i skuadrës, Karlos Sainz. Ferrari ishte vërtet një bishë në asfaltin e lagur. Ishte vërtet një tregues superioriteti për dy makinat Ferrari.
Por i pari në garën sprint të së shtunës do të niset kampioni në fuqi, Maks Vershtapen, i cili ka regjistruar kohën më të mirë në kualifikueset e pasdites. Piloti holandez ishte 770 të mijëtat para Leklerk. Në rreshtin e dytë do të nisen Lando Norris me MekLaren dhe Kevin Magnusen me Has.
Për Mercedesin ka rezultuar një ‘vrimë në ujë’ edhe pista e Imolas sa u takon provave të lira, por edhe kualifikueseve. Skuderia gjermane duket në rënie të lirë në këtë fillim të sezonit. Rasëll do të niset nga vendi i 11-të, kurse Ljuis Hemilton nga vendi i 13-të.
Nuk ka munguar entuziazmi i tifozëve në Imola, edhe pse në një mot si në vjeshtë. Mendoi Ferrari për të nxehur tifozët e tij me një performancë të shkëlqyer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
